ન્યૂઝીલેન્ડ અને શ્રીલંકા વચ્ચે ચાલી રહેલી પ્રથમ ટેસ્ટ મેચના ત્રીજા દિવસે કિવી ટીમે મેચમાં તેની પકડ મજબૂત કરી લીધી છે અને શ્રીલંકા પર ઈનિંગથી પરાજયનું સંકટ છે. શ્રીલંકાના પ્રથમ ઈનિંગમાં ૨૮૨ના જવાબમાં ન્યૂઝીલેન્ડના ટોમ લૈથમની રેકોર્ડ બેવડી સદીની મદદથી ૫૭૮ રન બનાવ્યા અને ૨૯૬ રનની લીડ મેળવી હતી. જવાબમાં ત્રીજા દિવસે સ્ટંપ્સ સમય સુધી શ્રીલંકાએ માત્ર ૨૦ રનમાં ત્રણ વિકેટ ગુમાવી દીધી અને હજુ તે ૨૭૬ રન પાછળ છે. ટોમ લૈથમે ૨૬૪ રનની અણનમ ઈનિંગ રમી અને આ કોઈપણ ઓપનિંગ બેટ્સમેનના બેટ કેરી કરતા એક ઈનિંગમાં સૌથી વધુ રનનો વિશ્વ રેકોર્ડ છે. બીજા દિવસના સ્કોર ૩૧૧/૨થી આગળ રતમા ન્યૂઝીલેન્ડની પ્રથમ ઈનિંગ ૫૭૮ રને સમાપ્ત થઈ હતી. ટોસ ટેલર (૫૦) તેના વ્યક્તિગત સ્કોર પર આઉટ થઈ ગયો, પરંતુ ત્યારબાદ ટોમ લૈથમે ચોથી વિકેટ માટે હેનરી નિકોલ્સ (૫૦)ની સાથે ૧૧૪ અને છઠ્ઠી વિકેટ માટે કોલિન ડી ગ્રૈંડહોમ (૪૯)ની સાથે ૭૩ રનની ભાગીદારી કરી હતી.
