ભાવનગર એલ.સી.બી. સ્ટાફનાં માણસો આજરોજ એલ.સી.બી. ઓફિસ હાજર હતાં. તે દરમ્યાન પો.કો. શકિતસિંહ ગોહિલને બાતમીરાહે હકિકત મળેલ કે, ચિરાગ ઉર્ફે લાલો સામંતભાઇ સૈડા રહે.ચાવડીગેટ,ભાવનગર વાળાને ભાવનગર તથા આજુ-બાજુનાં જીલ્લાઓમાંથી હદપાર કરેલ છે.તેમ છતાં તે ભાવનગર આવી શારદા સાયકલ સ્ટોરની દુકાન સામેનાં ભાગે ઉભેલ છે.જેથી તે જગ્યાએ જઇ તપાસ કરતાં ચિરાગ ઉર્ફે લાલો સામંતભાઇ સૈડા ઉ.વ.૨૫ રહે.વડવા, ચાવડીગેટ, કાછીયાવાડનાં ડેલામાં,ભાવનગરવાળા હાજર મળી આવેલ. જેથી તેનાં વિરૂધ્ધ કાયદેસર કાર્યવાહી કરી તેને ગંગાજળીયા પોલીસ સ્ટેશન સોંપી આપવામાં આવેલ.
આ સમગ્ર કામગીરીમાં એલ.સી.બી. નાં પો.ઇન્સ. ડી.એમ.મિશ્રાની સુચના અને માર્ગદર્શન હેઠળ સ્ટાફનાં પરાક્રમસિંહ ગોહિલ, મહિપાલસિંહ ગોહિલ, અરવિંદભાઇ પરમાર, મીનાજભાઇ ગોરી, કેવલભાઇ સાંગા, શકિતસિંહ ગોહિલ, જયદિપસિંહ ગોહિલ વિગેરે સ્ટાફનાં જોડાયા હતાં.
