વેસ્ટર્ન રેલ્વે એમ્પ્લોઈઝ યુનિયનનું મહાઅધિવેશન ૬ વર્ષ પછી ભાવનગર શહેરમાં આજથી શરૂ થયેલ છે. રેલ્વે સ્ટેડીયમ ખાતે બે દિવસનાં અધિવેશનનાં પ્રારંભ પૂર્વે પત્રકાર પરિષદ યોજાયેલા ત્યારબાદ ડીઆરએમ કચેરી પાસેનાં વે.રે.એ.યુ. કાર્યાલય ખાતેથી મહારેલીનું આયોજન કરવામાં આવલેલ જેમાં મોટી સંખ્યામાં રેલ કર્મીઓ જોડાયા હતા.બે દિવસીય અધિવેશનનાં પ્રારંભે આજે ઓલ ઈન્ડિયા રેલ્વે મેન્સ ફેડરેશનનાં મહામંત્રી શિવ ગોપાલ મિશ્રા રેલ્વેનાં જનરલ મેનેજર એ.કે. ગુપ્તા, વે.રે.એ.યુ.નાં મહામંત્રી જે.આર. ભોંસલે અધ્યક્ષ આર.સી.શર્મા, હિંદ મઝદુર સભાનાં મહામંત્રી હરભજનસિંગ સિધ્ધુ તેમજ ભાવનગરનાં હોદ્દેદારો ઉપરાંત મુંબઈ રતલામ, વડોદરા, અમદાવાદ, રાજકોટ, દિલ્હી સહિતની યુનીયનનાં પદાધિકારીઓ ઉપસ્થિત રહ્યા હતા જ્યારે સાંજે મહિલા સંમેલન યોજાયેલ જેમાં જી.એમ.નાં પત્ની અર્ચના ગુપ્તા ભાવનગરનાં ડીઆરએમ રૂપા શ્રીનિવાસન સહિત બહેનો ઉપસ્થિત રહ્યા હતા. અધિવેશનને સફળ બનાવવા ડિવીઝનલ ચેરમેન અજયરાજસિંહ ગોહિલ, સેક્રેટરી એસ.કે. શ્રીવાસ્તવ સહિત જહેમત ઉઠાવી રહ્યા છે.
