મહેસાણાના અક્ષરધામમાં મિત્ર સાથે પતંગ ચગાવતા ૧૭ વર્ષના કિશોરને મકાનના ધાબાની બાજુમાં એક હાથ દૂરથી પસાર થતી ૧૧ હજાર વોલ્ટની વીજલાઇન પર ફસાયેલો પતંગ કાઢવા જતાં કરંટ લાગ્યો હતો. ગંભીર હાલતમાં સારવાર માટે અમદાવાદ લઇ જવાયેલા આ કિશોરના ડાબા હાથની કોણી નીચે અને જમણા પગના પંજાનો ભાગ ઓપરેશન કરી દૂર કરાતાં પરિવારજનોની હાલત કફોડી બની હતી. જોકે, તેના પિતાનું કહેવું છે કે, ધ્રૃવ ખૂબ જ હિંમતવાળો છે પ્લાસ્ટીક સર્જરી થતાં પુનઃ સ્વસ્થ થઇ જશે.
