ભાવનગર શહેરના વિઠ્ઠલવાડી ખાતે આવેલા સીએનઆઈ ચર્ચ ખાતે ખ્રિસ્તી સમાજ દ્વારા આજે રપ ડિસેમ્બર નાતાલ (ક્રિસ્મસ)ની ઉજવણી કરી હતી. ભાવનગરમાં વસતા ખ્રિસ્તી સમાજના ભાઈઓ-બહેનો સવારે ચર્ચમાં એકઠા થયા હતા જયાં પ્રાર્થના કરાઈ હતી. ત્યાર બાદ એક બીજાને શુભેચ્છા પાઠવી હતી. ગતરાત્રીના ૧ર વાગ્યે લાઈટ-ડેકોરેશનના ઝળહળાટ સાથે કેક કાપીને ઈસુના જન્મદિનની ઉજવણી કરવામાં આવેલ. ખ્રિસ્તી સમાજ દ્વારા તા. ૧ જાન્યુઆરી સુધી ક્રિસ્મસની ઉજવણી કરશે.
