કચ્છ નજીક ભચાઉ હાઇવે પર ગોજારો અકસ્માત સર્જાયો હતો, અકસ્માતમાં 8 લોકોના કમકમાટીભર્યા મોત નીપજતા અરેરાટી વ્યાપી હતી. બે ટ્રેલર અને કાર વચ્ચે અકસ્માત સર્જાયો હતો. ઘટના બાદ ભચાઉ પોલીસે તાત્કાલિક કાર્યવાહી કરી મૃતદેહોને બહાર કાઢ્યા હતા અને ઘાયલોને સારવાર અર્થે ખસેડ્યા હતા.
પ્રાથમિક વિગત પ્રમાણે કચ્છના ભચાઉ નજીક ઇનોવા કાર અને બે ટ્રેલર વચ્ચે અકસ્માત સર્જાયો હતો. અકસ્માત એટલો ગંભીર હતો કે 8 લોકોનાં મોત નીપજ્યા હતા. જેમાં કારમાંથી હાલ પોલીસે 8 લોકોનાં મૃતદેહ બહાર કાઢ્યા હતા. સાથે આશંકા વ્યક્ત કરવામાં આવી રહી છે કે મૃત્યુઆંક વધી શકે છે.
