વર્ષ-ર૦૧૮ના અંતિમ દિને આજે રાત્રિના ભાવનગર શહેરમાં વિવિધ સ્થળોએ થર્ટી ફર્સ્ટની ઉજવણીના કાર્યક્રમો યોજાયા હતા. જેમાં ઈસ્કોન ક્લબ ખાતે પણ થર્ટીફર્સ્ટની ઉજવણીનો કાર્યક્રમ યોજાયેલ. જેમાં ડીજે વીથ ડાન્સ અને ડીનર પાર્ટીનું આયોજન કરવામાં આવેલ. જેમાં શહેરીજનો ખાસ કરીને યુવાનો અને યુવતીઓ ર૦૧૮ની અંતિમ પળો માણવા તથા ર૦૧૯ને આવકારવા ડીજેના તાલે ડાન્સ સાથે ઝુમી ઉઠ્યા હતા. કેટલાકે કપલ ડાન્સની મોજ માણી હતી તો કેટલાકે ગ્રુપ ડાન્સ કર્યો હતો અને મસ્તીથી ઝુમ્યા હતા અને રાત્રિના ૧ર વાગતાની સાથે જ ફટાકડાની આતશબાજી સાથે ર૦૧૯ને આવકારી હતી. ઈસ્કોન ક્લબ ખાતે થર્ટીફર્સ્ટની ઉજવણીની પાર્ટીમાં જિલ્લા કલેક્ટર, જિલ્લા વિકાસ અધિકારી તેમજ શહેરના ઉદ્યોગપતિ, વકીલો, ડોક્ટરો સહિત ઉપસ્થિત રહ્યા હતા અને ર૦૧૯ની સાલને વેલકમ કર્યુ હતું.
