હમેશા વિવાદોમાં રહેતી સિહોર નગરપાલિકાની પથિકાશ્રમ પાસે આવેલી પડતર જમીનમાં જુદી જુદી કંપનીઓ દ્વારા અવારનવાર વાહન કે લોનમેળા યોજાતા હોઈ છે પરંતુ આ કંપનીના સંચાલકો મેળા દરમિયાન લાખો રૂપિયા કમાતા હોવા છતાં પાલિકાની જમીનના ભાડા પેટે એકપણ રૂપિયો નહિ આપતા હોવાથી સરકારી તિજોરી ને હજારોનું નુકસાન કરી રહ્યા છે. પાલિકા તંત્ર દ્વારા આ બાબતની ગંભીરતાથી નોંધ લઈને નગરપાલિકાના જે-તે વોર્ડ સુપરવાઈઝર દ્વારા લેખીત ધ્યાન દોરીને બાંધકામ વિભાગ દ્વારા ભાડા વસુલાતનીં કામગીરી કરવામાં આવતી ન હોવાથી સિહોર નગર પાલિકા ને મોટું આર્થિક નુકશાન થઈ રહ્યું હોય તથા આ વિસ્તારમાં ટ્રાફિક ને લગતી સમસ્યાઓ નિયમિત પણે ઉપસ્થીત થવા પામતી હોય છે તેથી તંત્રના જવાબદારો પોત પોતાની ફરજ બજાવે તે અત્યંત જરૂરી છે.સિહોર શહેરમાં વસતા નાગરિકો જો સમયસર વેરો ન ભરે તો આકરી ઉઘરાણી કરવામાં આવે છે પણ સરકારી જમીનનો ધંધાકીય ઉપયોગ કરી રહેલા વાહન મેળા વાળા પ્રત્યે કેમ આકરું વલણ નથી રાખી રહ્યા..? તો શુ આવા મેળાના આયોજકો પાસેથી પાલિકાના લાગતા વળગતા બારોબાર ઉઘરાણું કરી રહ્યા છે તેવુ સિહોર માં લોકમુખે ચર્ચાઈ રહ્યું છે.
