બરવાળા નગરપાલિકા ખાતે ૨૬મી જાન્યુઆરીના રોજ ૭૦ માં પ્રજાસતાક પર્વ નિમિતે નગરપાલિકા કચેરી કમ્પાઉંડ ખાતે સવારે ૯.૦૦ કલાકે ધ્વજવંદન તેમજ સાંસ્કૃતિક કાર્યક્રમો યોજવામાં આવ્યા હતા જેમાં બળવંતસિંહ મોરી (પ્રમુખ બરવાળા ન.પા.) રાજુભાઈ જાદવ, પ્રતાપભાઈ બારડ, દીલુભા ઝાલા, જેઠાભાઈ સોલંકી, હિંમતભાઈ મેર, ગૌરાંગકુમાર પટેલ(ચિફ ઓફિસર) સહિત બરવાળાની સરકારી શાળાના શિક્ષકો તેમજ વિધ્યાર્થીઓ મોટી સંખ્યામાં ઉપસ્થિત રહ્યા હતા. બરવાળા નગરપાલિકા ખાતે ૭૦ મા પ્રજાસતાક પર્વની ઉજવણી ધામધૂમથી કરવામાં આવી હતી.આ પ્રસંગે ઉપસ્થિત આગેવાનો, ન.પા. કર્મચારીગણ સરકારી શાળાના શિક્ષકો તેમજ નગરજનો મોટી સંખ્યામાં ઉપસ્થિત રહી ધ્વજવંદન કરી રાષ્ટ્રીયપર્વની ઉજવણી પ્રસંગમાં જોડાયા હતા.બરવાળા સરકારી શાળાના વિધ્યાર્થીઓ દ્વારા સાંસ્કૃતિક કૃતિઓ રજુ કરવામાં આવી હતી તેમજ ન.પા.ના બેસ્ટ કામગીરી કરતા (૧) જગદિશભાઈ રમેશભાઈ ગળિયેલ (૨) ભાવેશભાઈ મુકેશભાઈ ગળીયેલ સફાઈ કામદારને પ્રમાણપત્ર, મોમેન્ટ આપી સન્માનિત કરવામાં આવ્યા હતા.તેમજ સરકારી શાળા અને સાંસ્કૃતિક કૃતિઓમાં ભાગ લીધેલ તમામ વિદ્યાર્થીઓને ઉપસ્થિત આગેવાનના વરદ હસ્તે મોમેન્ટો આપી પ્રોત્સાહિત કરવામાં આવ્યા હતા.
