ભાવનગર તાલુકાના ગુંદી પ્રાથમિક શાળામાં ૭૦માં પ્રજાસત્તાક દિનની ઉજવણી કરવામાં આવી હતી. જેમાં ગામની વધુ ભણેલી દિકરીના હસ્તે ધ્વજવંદન કરવામાં આવ્યું હતું. આ પ્રસંગે તાજેતરમાં જેમના ઘરે દિકરી જન્મેલ તેવા વાલીઓનું સન્માન કરવામાં આવેલ. સરકારી નોકરી મેળવેલ ગામના યુવક-યુવતીઓનું સન્માન, વિશિષ્ટ સિધ્ધિ મેળવેલ વિદ્યાર્થીઓનું સન્માન તેમજ તીથી ભોજનના દાતાઓનું સન્માન કરાયેલ.
આ પ્રસંગે રાષ્ટ્રગાન સાથે તિરંગાને ઉપસ્થિત આગેવાનોએ સલામી આપી હતી. આ પ્રસંગે રેવન્યુ તલાટી મમતાબેન ઝવેરભાઈ સોલંકી, સરપંચ વિપુલભાઈ સોલંકી, વિરભદ્રસિંહ ગોહિલ, શાળાના આચાર્ય છાયાબા વાળા, એસએમસીના અધ્યક્ષ જેન્તીભાઈ સોલંકી, શિક્ષકો, વિદ્યાર્થીઓ તથા ગ્રામ્યજનો, આગેવાનો ઉપસ્થિત રહ્યાં હતા.
