શહેરના કાળીયાબીડ ખાતે આવેલી સિલ્વર બેલ્સ પબ્લીક સ્કુલને રપ વર્ષ થતા આજે ઝવેરચંદ મેઘાણી ઓડીટોરીયમ સરદારનગર ખાતે રજતોત્સવ શિર્ષક અંતર્ગત સાંસ્કૃતિક કાર્યક્રમ યોજવામાં આવ્યો હતો. જેમાં શાળાના વિદ્યાર્થી ભાઈઓ-બહેનો દ્વારા નૃત્યગીત-સંગીત, રાસગરબા સાથેની વિવિધ સાંસ્કૃતિક કૃતિઓ રજૂ કરી દર્શકોને મંત્રમુગ્ધ કર્યા હતા. કાર્યક્રમમાં આમંત્રિતો ઉપરાંત શાળાના વિદ્યાર્થીઓ, વાલીઓ વિશાળ સંખ્યામાં ઉપસ્થિત રહ્યાં હતા.
