ભારત અને ન્યૂઝીલેન્ડની વચ્ચે રમાયેલી ત્રીજી આંતરરાષ્ટ્રીય ટી૨૦ મેચ દરમિયાન મહેન્દ્ર સિંહ ધોનીએ દર્શાવ્યું કે તે ભારતીય તિરંગાને કેટલો પ્રેમ કરે છે. તેણે તિરંગાને જમીનથી અડતા બચાવવા માટે એવી જ સ્ફૂર્તિ દર્શાવી જેવી તે સ્ટમ્પિંગ દરિમયાન દર્શાવે છે. ધોનીના એક પ્રશંસકે તિરંગો લઈને સુરક્ષા વ્યવસ્થાને તોડતા મેદાનમાં આવી ગયો. તે દોડીને ધોનીની પાસે આવ્યો અને તેને પગે લાગવા લાગ્યો.
આ દરમિયાન તેના હાથમાં જે તિરંગો હતો તે જમીનને અડકી ગયો. ધોનીની જેવી આ તરફ ધ્યાન ગયું તેણે ઝડપથી તિરંગો ઉઠાવ્યો અને તેને પોતાના હાથમાં લઈ લીધો. ત્યારબાદ તે ફેન દોડીને મેદાનથી બહાર ચાલ્યો ગયો. આ ઘટના ન્યૂઝીલેન્ડની બેટિંગ દરમિયાન બની.
ન્યૂઝીલેન્ડે પહેલી બેટિંગ કરતાં ૨૧૨ રન કર્યા. ભારતે જોરદાર ટક્કર આપી પરંતુ તે ચાર રમથી મેચ હારી ગયું. અને એ રીતે સીરીઝ પણ ૨-૧થી ન્યૂઝીલેન્ડના નામે થઈ ગઈ. ધોની બેટિંગ કંઈ ખાસ સારું પ્રદર્શન ન કરી શક્યો અને ચાર બોલમાં માત્ર બે રન કરી આઉટ થઈ ગયો.
