ભાવનગર મહુવા નજીક અકસ્માતમાં સગાઈના દિવસે જ આર્મીમેન યુવાનનું મોત નિપજયું હતું.
આ બનાવની વિગતો એવી છે કે રાજુલાના વીસળીયા ગામે રહેતા અને આર્મીમાં ફરજ બજાવતા પરેશભાઈ વીરાભાઈ બાંભણીયા (ઉ.વ.રર)ની ભાવનગર ખાતેર હેતી યુવતિ સાથે સગાઈ હોય પરેશભાઈ પરિવાર સાથે ભાવનગર આવ્યા હતા અને સગાઈ પ્રસંગે ધામધુમથી ઉજવાય બાદ પરેશભાઈનો પરિવાર ખાનગી વાહન દ્વારા વીસળીયા જવા રવાના થયો હતો. જયારે પરેશભાઈ કોઈ કામ સબબ ભાવનગર રોકાયા હતા અને કામ પુરૂ થયા બાદ બાઈક લઈ વીસળીયા જવા ભાવનગરથી રવાના થયા હતાં.
દરમ્યાન તળાજા-મહુવા રોડ પર પરેશભાઈનું બાઈક એક ટ્રેક સાથે અથડાતા સર્જાયેલા અકસ્માતમાં પરેશભાઈને ગંભીર ઈજા થતા તેનું ઘટના સ્થળે જ મોત નિપજયું હતું. આ બનાવ અંગે બગદાણા પોલીસ વધુ તપાસ ચલાવી રહી છે.
