બરવાળા મુકામે તા.૧૫/૦૨/૨૦૧૯ ના રોજ સાંજે ૬ઃ૩૦ વાગ્યે મેઘાણીચોક ખાતે કેન્ડલમાર્ચ તેમજ મૌન પાળી ભારતના વીર શહિદોને શ્રદ્ધાંજલિ અર્પણ કરવામાં આવી હતી જેમાં બરવાળા ભારતીય જનતા પાર્ટીના આગેવાનો તેમજ શહેરનાં વેપારિઓ મોટી સંખ્યામાં જોડાયા હતા.
જમ્મુ-કાશ્મીરના પુલવામા તા.૧૪/૨/૨૦૧૯ ના રોજ સી.આર.પી.એફ.ના કોનવે ને નિશાન બનાવી આતંકિઓએ જવાનો ઉપર આત્મઘાતી હુમલો કરતા ભારતિય સેના સી.આર.પી.એફ.ના ૪૪ જેટલા જવાનો વીરગતીને પામ્યા છે તેમજ અન્ય જવાનો ગંભીર રીતે ઘવાયા હતા જે બનાવને પગલે સમગ્ર દેશમાં ગમગીની પ્રસરી જવા પામી છે ત્યારે બરવાળા શહેરમાં પુલવામા આત્મઘાતી હુમલામાં શહીદ થયેલા ૪૪ જવાનોની યાદમાં કેન્ડલમાર્ચ તેમજ બે મિનિટ મૌન પાળી શ્રદ્ધાંજલિ અર્પણ કરવામાં આવી હતી.આ કાર્યક્રમમાં ઉપસ્થિત લોકો આ બનાવને પગલે ભાવુક બન્યા હતા તેમજ આ જધન્ય કૃત્ય કરનાર સામે રોષ ભભુકી ઉઠ્યો હતો.
