સિહોર પોલીસે ગઈકાલે મોડીરાત્રિના પૂર્વ બાતમીના આધારે જાંબાળા નજીકથી ઈંગ્લીશ દારૂ અને બિયરનો જથ્થો ભરેલી બિનવારસી કાર ઝડપી લીધી હતી અને ગુનો નોંધી આરોપીને ઝડપી લેવા ચક્રો ગતિમાન કર્યા હતા.
આ અંગેની પ્રાપ્ત વિગતો મુજબ, ગત તા.ર૧-૧ર-૧૭ના રોજ રાત્રે ૧-૧પ કલાકે સિહોરથી ૮ કિ.મી. દુર જાંબાળા પાસે વાડીના રસ્તે એક ફોરવ્હીલ કાર પડી હોવાની બાતમી મળતા સિહોર પોલીસ સ્થળ પર પહોંચી હતી ત્યારે આ બંધ કારમાં તપાસ કરતા ટાટા ઈન્ડીગો કાર નં.જીજે૦પ સીડી ૧૦પ૯ જોવા મળેલ તથા કારની અંદર અલગ-અલગ કંપનીની ઈંગ્લીશ દારૂની બોટલ નંગ-૬૦ તથા બિયર ટીન ૪૮ મળી આવતા કાર તથા મુદ્દામાલ કબ્જે લઈ પોલીસ સ્ટેશન લાવવામાં આવેલ ત્યારે ૧ લાખની કાર તથા ૩૪૮૦૦ના બિયર તથા દારૂની કિંમત થઈ કુલ ૧૩૪૮૦૦નો મુદ્દામાલ કબ્જે કરવામાં આવેલ ત્યારે આ બિનવારસી કાર કોની આરોપી કોણ તે જાણવા મળેલ નથી. આરોપીને ઝડપી લેવા સિહોર પોલીસે ચક્રો ગતિમાન કર્યા છે.
