શહેરના મામાકોઠા રોડ પર વહેલી સવારે પાણી ભરી રહેલી યુવતીને સાયકલ સવાર શખ્સે નિશાન બનાવી ગળામાં પહેરેલ સોનાના ચેઈનની ચીલઝડપ કરી ફરાર થઈ ગયો હતો.
પ્રાપ્ત વિગત મુજબ, શહેરના મામાકોઠા રોડ પર રહેતા કાજલબેન મહેન્દ્રભાઈ અભાણી ઉ.વ.ર૭ વહેલી સવારે તેના ઘર પાસે પાણી ભરતા હતા તે વેળાએ સાયકલ પર આવેલા શખ્સે બોટલમાં પાણી ભરવાનું કહ્યું હતું. કાજલબેન બોટલમાં પાણી ભરતા હતા તે દરમ્યાન અચાનક સાયકલ પર આવેલા ર૦-રપ વર્ષના શખ્સે કાજલબેને ગળામાં પહેરેલ સોનાનો ચેઈન કિ.રૂા.૪૪ હજારનો ચીલઝડપ કરી ફરાર થઈ ગયો હતો. બનાવ અંગે કાજલબેને ગંગાજળીયા પોલીસ મથકમાં ફરિયાદ આપતા પોલીસે ગુનો નોંધી વધુ તપાસ પીએસઆઈ આર.સી. સોલંકીએ હાથ ધરી છે.
