ભારત અને પાકિસ્તાન વચ્ચે ચાલી રહેલા તણાવપૂર્ણ માહોલમાં પોતાના નિવેદનોને કારણે સૌથી વધુ ચર્ચામાં રહેનાર ક્રિકેટર અને કોમેડી શોના જજ નવજોત સિંહ સિદ્ઘુને નુકસાન વેઠવાનો વારો આવ્યો છે. પુલવામા આતંકી હુમલા વખતે સિદ્ઘુએ આપેલા નિવેદનના કારણે ’ધ કપિલ શર્મા શો’ માંથી તેણે બહારનો રસ્તો બતાવવી દેવામાં આવ્યો છે. આ શોમાં સિદ્ઘુની જગ્યાએ અર્ચના પૂરણ સિંહ લીધી છે. પરંતુ હવે ચર્ચા છે કે આ મામલો શાંત થતા સિદ્ઘુ શોમાં પરત આવશે.
એક મીડિયા રિપોટ્ર્સ અનુસાર, ચેનલ સાથે હજુ સિદ્ઘુનો કોન્ટ્રાક્ટ પૂરો થયો નથી અને સાથે જ શોના પ્રોડ્યુસર સલમાન ખાન દેશમાં માહોલ સામાન્ય થાય તેની રાહ જોઇ રહ્યો છે. જેથી કરીને સિદ્ઘુને ફરીથી શોમાં લાવી શકાય. એટલુ જ નહી, ચેનલે કપિલ અને ટીમના બાકીના મેમ્બર્સના પણ વિવાદ પર કોઇ કમેન્ટ કરવા માટે સૂચના આપી છે. રિપોટ્ર્સ અનુસાર ’ધ કપિલ શર્મા શો’માં અર્ચના પૂરણ સિંહે માત્ર ૨૦ એપિસોડનો કોન્ટ્રાક્ટ સાઇન કર્યો છે.
નવજોત સિંહ સિદ્ઘુને ફિલ્મ સિટી (મુંબઇ)માં એન્ટ્રી પર પ્રતિબંધ લગાવી દીધો હતો. ફેડરેશન ઑફ વેસ્ટર્ન ઇન્ડિયા સિને એમ્પોલોઇઝે ગુરુવારે યોજાયેલી બેઠકમાં આ નિર્ણય લીધો. જણાવી દઇએ કે, સિદ્ધુ ફિલ્મ સિટીની અંદર આવેલા સ્ટુડિયોમાં ‘ધ કપિલ શર્મા શો’ ના એપિસોડનું શૂટિંગ કરતા હતા.
