તાજેતરમાં જ રજૂ કરવામાં આવેલી ફિલ્મ લુકાછુપી બોક્સ ઓફિસ પર સરેરાશ સફળતા હાંસલ કરી રહી છે. આ ફિલ્મ બોક્સ ઓફિસ પર હજુ સુધી ૫૦ કરોડથી વધારેની કમાણી કરી ચુકી છે. ફિલ્મની કમાણી ૫૨ કરોડથી વધારેની પહોંચી ગઇ છે. કાર્તિક આર્યન અને કૃતિ સનુનની ફિલ્મમાં મુખ્ય ભૂમિકા છે. બંનેની કેમિસ્ટ્રી લોકોને ખુબ પસંદ પડી રહી છે. આ બંને ઉપરાંત ફિલ્મમાં અન્ય કેટલાક કલાકારો છે. ફિલ્મમાં પકંડજ ત્રિપાઠી અને અપારશક્તિ ખુરાનાની પણ ભૂમિકા છે. રિપોર્ટમાં કહેવામાં આવ્યુ છે કે ફિલ્મે પ્રથમ સાત દિવસમાં જ સારી કમાણી કરી લીધી છે. ચાહકો માને છે કે આ ફિલ્મ જોવા માટે હજુ મોટી સંખ્યામાં ચાહકો પહોંચનાર છે. બીજી બાજુ ફિલ્મના નિર્માતા નિર્દેશકો માને છે કે ફિલ્મની કમાણી ૧૦૦ કરોડના આંકડાને પાર કરી જશે. નિર્દેશક લક્ષ્મણ ઉતેકરે કહ્યુ છે કે કાર્તિક આર્યન નવા અભિનેતાઓમાં સૌથી મોટા ઉભરતા સ્ટાર તરીકે છે. ફિલ્મની પટકથા ખુબ શાનદાર રહી છે. તમામ વયના લોકોને આ ફિલ્મ પસંદ પડી રહી છે. યુવા સુપરસ્ટાર કાર્તિક પાસે હાલમાં અનેક મોટી ફિલ્મ છે. જ્યારે કૃતિ પણ નિર્માતા નિર્દેશકોમાં સારી લોકપ્રિયતા મેળવી રહી છે.
કાર્તિક આર્યન બોલિવુડમાં તેની ફિલ્મો કરતા વધારે હવે સોશિયલ મિડિયામાં વધારે ચર્ચામાં રહે છે. તેની ગણતરી હાલમાં સૌથી લોકપ્રિય સ્ટાર તરીકે છે. કાર્તિક આર્યન અને કૃતિની જોડી જોરદાર રીતે જામી રહી છે.
