છત્તીસગઢમાં કમાન્ડો બટાલિયનને મોટી સફળતા મળી છે. સુકમા જિલ્લાના જાગરગુંડામાં નક્સલવાદીઓ સાથે થયેલી અથડામણમાં ૪ નક્સલવાદીઓ માર્યા ગયાં છે. આ અથડામણ સુક્મા જિલ્લામાં બીમાપુરમથી એક કિલોમીટર દૂર થઇ. કોબરા ૨૦૧ બટાલિયનના સર્ચ ઓપરેશન દરમિયાન માઓવાદીઓ સાથે અથડામણ થઇ. આ દરમિયાન બંને તરફથી જોરદાર ફાયરિંગ થયું જેમાં ૪ નક્સલવાદીઓ માર્યા ગયાં. મૃતક નક્સલવાદીઓના મતૃદેહ કબ્જે કરવામાં આવ્યાં છે. માર્યા ગયેલાં નક્સલવાદીઓ માઓવાદીઓના ગણવેશમાં હતાં. તેમની પાસેથી ૧ ઇન્સાસ રાઇફલ અને ૨ થ્રી નોટ થ્રી રાઇફલ જપ્ત કરવામાં આવી છે. હાલ સર્ચ ઓપરેશન ચાલુ છે.
