ચેન્નઈ સુપર કિંગ્સનો ઓલરાઉન્ડર ડ્વેન બ્રાવો સ્નાયુ ખેંચાઈ જવાને કારણે બે સપ્તાહ સુધી આઇપીએલમાં રમી નહીં શકે. ટીમના બેટિંગ કોચ માઇક હસીએ આ અંગેની જાણકારી આપી. વિન્ડીઝનો ઓલરાઉન્ડર બ્રાવો ગત બુધવારે મુંબઈ ઇન્ડિયન્સ સામે રમાયેલી મેચ દરમિયાન ઈજાગ્રસ્ત થયો હતો. તે સીએસકે ટીમનો સ્ટાર ખેલાડી છે.
હસીએ જણાવ્યું, ”હું એ વાતની પુષ્ટિ કરું છું કે બ્રાવોના સ્નાયુ ખેંચાઈ ગયા છે અને તે બે સપ્તાહ સુધી આઇપીએલની બહાર રહેશે. અમારા માટે આ બહુ જ મોટું નુકસાન છે. તેની હાજરીથી અમારી ટીમ ઘણી જ સંતુલિત રહેતી હતી અને તે શાનદાર ખેલાડી છે. અમારે હવે ટીમમાં કેટલાક ફેરફાર કરવા પડસે, પરંતુ મને સંપૂર્ણ વિશ્વાસ છે કે અમે મજબૂત ટીમ મેદાનમાં ઉતારવા સફળ રહીશું.” ડ્વેન બ્રાવોએ આ સિઝનમાં અત્યાર સુધી રમેલી ચાર મેચમાં કુલ સાત વિકેટ ઝડપી છે.
