રાધનપુર વિધાનસભા મતવિસ્તારના સાંતલપુર પંથકમાં અલ્પેશ ઠાકોર પ્રત્યે રોષ ભભૂકી ઉઠ્યો છે.
સાંતલપુર તાલુકાના જોરાવરગંજના ઠાકોર સમાજના જ લોકો અલ્પેશ ઠાકોર પર ફિટકાર વરસાવી રહ્યા છે. જોરાવરગંજવાસીઓ અલ્પેશ આવશે તો પથ્થરમારો કરીને ભગાડી દઈશુંની ચીમકી આપી રહ્યા છે.
અલ્પેશ ઠાકોરે તાજેતરમાં કોંગ્રેસ પક્ષમાંથી રાજીનામું આપતા બાવના બેઉ બગડ્યા જેવો ઘાટ સર્જાયો છે. એક તરફ ઠાકોર સમાજ પણ અલ્પેશ ઠાકોર પર રોષે ભરાયો છે અને સમાજ સાથે દગો કરાયાની વાત કરી રહ્યો છે. ત્યારે અલ્પેશ ઠાકોરને પણ ના ઘર ના ઘાટના જેવો અનુભવ થતો હશે.
અલ્પેશ ઠાકોર ના રાજીનામાં બાબતે સાંતલપુર તાલુકાના જોરાવરગંજ ગામના ઠાકોર મેવા ભાઈ જણાવ્યુ હતું કે અમે ક્યારેય અલ્પેશ સાથે રહેવાના નથી કારણકે એમને સમાજ ને છેતરીને સમાજના પંચ્યાશી હજાર મત વેચી નાખ્યા છે તેથી અમે તેમની સાથે ક્યારેય નહીં રહીએ.
જોરાવરગંજ ના સખીબેન ઠાકોર દ્વારા જણાવવામાં આવ્યું હતું કે તે અમને દારૂ બંધ કરાવશું બહેન દીકરી સામે અત્યાચાર નહીં થવા દઈએ તેવું કહીને અમારા માટે લાઇ લીધા હોવી અમે તેની સાથે કદી નહીં જઈએ અમે અલ્પેશ ઠાકોરથી નારાજ છીએ અને જો એ અમારા ગામમાં પણ આવશે તો અમે પથ્થર મારો કરીશુ.
