લોકશાહી વ્યવસ્થામાં મત નાગરિક માટે અતિ કિંમતી છે. એક એક મતની કિંમત લોકપ્રતિનિધિને ચૂંટવા કિંમતી તો છે જ સાથે ચૂંટણી જેવા પર્વમાં ઉત્સાહ દાખવવો એ પણ રાષ્ટ્રીયભાવના વ્યક્ત કરવાનો અવસર છે. ત્યારે એવા ઉત્સાહી અને મૂળ ભાવનગરનાં હલુરીયાચોક પાસે, ડા.મણીભાઇ ચોકમાં રહેલા હાલ ન્યુયોર્ક, મેલવિલેમાં બેચલર ઓફ ફાર્માસી કરતા એવા ઉત્સાહી અને રાષ્ટ્રભાવનાથી પ્રેરાઇને ભાવનગરના રવિશ વિરેન્દ્રભાઇ ત્રિવેદી છેક ન્યુયોર્ક અમેરિકાથી મતદાન માટે ફક્ત બે દિવસ માટે ભાવનગર આવે છે. વિધાનસભા અને લોકસભાની દરેક ચૂંટણીમાં છેલ્લા પાંચ વર્ષથી પોતાના મતનું મહત્વ અને મૂલ્ય સમજાવતા આ રવિશ ત્રિવેદી ખાસ ભાવનગર મતદાનને દિવસે આવશે. અને મતદાન કરીને બીજે દિવસે ન્યૂયોર્ક જતા રહેશે. ખરેખર લોકશાહી ના આવા પર્વની મહત્ત્વના દરેકે સમજી મત આપવો જોઇએ. અને લોકશાહીની મહત્વતા સમજવી જોઇએ.
