ધોરણ-૧૨ વિજ્ઞાન પ્રવાહના વિદ્યાર્થીઓ માટે ગુજરાત કોમન એન્ટરન્સ ટેસ્ટ (ગુજકેટ)ની પરીક્ષા યોજવામાં આવી હતી. વિદ્યાર્થીઓએ શાંતિપૂર્ણ માહોલમાં ગુજકેટની પરીક્ષા આપી હતી.
ભાવનગરની માજીરાજ ગર્લ્સ હાઇસ્કુલ, એકતા હાઇસ્કૂલ સહિતના ૨૪ જેટલા પરીક્ષા કેન્દ્ર પર લેવામાં આવેલ ગુજકેટની પરીક્ષામાં વિદ્યાર્થીઓએ ભૌતિક વિજ્ઞાન, રસાયણ વિજ્ઞાન, જીવવિજ્ઞાન તથા ગણિત વિષયની પરીક્ષા આપી હતી. કાળઝાળ ગરમીમાં ગુજકેટની પરીક્ષા આપી રહેલા વિદ્યાર્થીઓ માટે શિક્ષણ વિભાગ દ્વારા જરૂરી તમામ વ્યવસ્થાઓ ગોઠવવામાં આવી હતી. તંત્ર દ્વારા ચુસ્ત બંદોબસ્ત ગોઠવાયો હતો. ભાવનગર શહેર અને જિલ્લાના પાંચ હજારથી વધુ વિદ્યાર્થીઓએ શાંતિપૂર્ણ માહોલમાં ગુજકેટની પરીક્ષા આપી હતી.
