તળાજા તાલુકાના શોભાવડ ગામે રહેતા દેવીદાસ ઉર્ફે નાનકો નથુરામ દુધરેજીયા નામના યુવાનની ગામમાં આવેલ ઉકાભાઇ જનાભાઇ વાઘોસીયાની વાડીના કુવામાંથી લાશ મળી આવતા ચકચાર મચી જવા પામી હતી. આ બનાવ અંગે પોલીસને જાણ કરાતા પોલીસ કાફલો ઘટનાસ્થળે દોડી ગયો હતો અને યુવાનની લાશ બહાર કાઢી પી.એમ. અર્થે તળાજા હોસ્પીટલ ખસેડાયો હતો. આ બનાવમાં પ્રાથમિક વિગતો મુજબ યુવાન અસ્થિર મગજનો હોવાનું જાણવા મળેલ છે. પોલીસે ઘટના અંગે વધુ તપાસ હાથ ધરી છે.
