ગુરુવારે બે સ્થળે આગ લાગવાની ઘટના બની હતી. પ્રથમ ઘટના સેક્ટર-૩૦માં જીટીએસ રોડ પર પ્રેસ પાસે એક ઝુંપડાની બહાર મુકાયેલા ગેસ સિલિન્ડરમાં આગની ઘટના બની હતી.
ઘટનાને પગલે અહીં રહેતાં સુમિતાબેન કટારીયા પરિવાર સાથે દૂર જતા રહ્યાં હતા. આગના કારણે ગેસનો બાટલો બ્લાસ્ટ થયો હતો. જોકે, ખુલ્લી જગ્યામાં બાટલો ફાટતા અને આસપાસ કોઈ ન હોવાથી કોઈને કઈ નુકસાન થયું ન હતું. બીજી તરફ આગની અન્ય એક ઘટનામાં કુડાસણમાં કાનમ પાર્ટીપ્લોટની બાજુમાં પ્રથમ રેસિડેન્સીના ઈલેક્ટ્રીક મીટર બોર્ડમાં બપોરના સુમારે આગની ઘટના બની હતી. જેની જાણ ફાયર બ્રિગેડના કરતાં પહોંચેલા જવાનોએ આગ પર કાબૂ મેળવ્યો હતો. મીટર બોર્ડમાં આગથી રેસિડેન્સની લાઈટ ડૂલ થઈ ગઈ હતી.
