બે વખતનાં વર્લ્ડ ચેમ્પિયન ઝડપી બૉલર બ્રેટ લીનું માનવું છે કે ઑસ્ટ્રેલિયામાં એટલો દમ છે કે તે ઇંગ્લેન્ડ અને વેલ્સમાં થનારા વર્લ્ડ કપમાં ઘણું આગળ જઇ શકે છે. બ્રેટલીનાં કહ્યા પ્રમાણે ઝાઈ રિચર્ડસનની ઇજા એરોન ફિંચની કેપ્ટનશિપવાળી ઑસ્ટ્રેલિયાઈ ટીમ માટે ચિંતાનો વિષય નથી, કેમકે સ્ટીવ સ્મિથ અને ડેવિડ વૉર્નરનાં આવવાથી ટીમને મજબૂતી મળી છે. લીએ કહ્યું કે, “તે જેટલી દૂર જવા ઇચ્છે તેટલી જઇ શકે છે. તે સારી ટીમ છે. ઝાઈ રિચર્ડસનને ઈજા થઈ છે અને તે વર્લ્ડ કપમાંથી બહાર થઇ ગયો છે, પરંતુ કેન રિચર્ડસન ટીમમાં આવ્યો છે. જુઓ, વર્લ્ડ કપમાં જે પણ ટીમ જાય છે તે સંપૂર્ણ રીતે તૈયાર રહે છે. આ એ વાત પર નિર્ભર કરે છે કે તમે ઇંગ્લેન્ડની વિકેટો સાથે કેટલી જલ્દી ઢળી શકો છો.’
લીએ એક ઇન્ટરવ્યૂમાં કહ્યું કે, “કોઈએ એ ના વિચારવું જોઇએ કે ઇંગ્લેન્ડમાં થનારા વિશ્વ કપમાં ઝડપી બૉલર્સ જ કમાલ કરશે. આપણે એ વાતનું ધ્યાન રાખવું જોઇએ કે ટૂર્નામેન્ટ કયા સમયે થઇ રહી છે. તે જુન અને જુલાઈમાં થશે અને આ સમયે વિકેટ ઝડપી બૉલર્સ માટે મદદગાર નહીં રહે.” ડાબા હાથનાં આ ઝડપી બૉલરનાં જણાવ્યા પ્રમાણે, “આ માટે ઘણા લોકોને લાગે છે કે આ ફાસ્ટ બૉલર્સની વિકેટ હશે, પરંતુ આવું જરૂરી નથી. મને લાગે છે કે તે નવા બૉલથી સારું કરશે, પરંતુ એકવાર જ્યારે બૉલની ચમક જતી રહેશે ત્યારે ઝડપી બૉલર્સને ઘણી મુશ્કેલી પડશે.”
