બોટાદ જીલ્લા પોલીસ અધિક્ષક હર્ષદ મહેતાની બોટાદ જીલ્લાના નાસતા ફરતા આરોપીઓને તાત્કાલીક પકડી પાડવાની જરૂરી સુચના અન્વયે વિભાગીય પોલીસ અધિકારી રાજદિપસિંહ નકુમના માર્ગદર્શન હેઠળ આજરોજના રોજ ગઢડા પોલીસ સ્ટેશનના પો.સબ ઇન્સ. ટી.એસ.રીઝવી તથા સ્ટાફના એ.એસ.આઇ. કાજલબેન ખેર, ભગીરથસિંહ ગોહીલ તથા રામદેવસિંહ ચાવડા, મહેશભાઇ બાવળીયા ગઢડા પો.સ્ટે.ના લુંટ વિથ અપહરણ તથા ઉમરાળા પો.સ્ટે.ના મારામારીના ગુન્હામાં છેલ્લા એક વર્ષથી વોન્ટેડ આરોપી કાળુભાઇ અમરશીભાઇ વાઘેલા દેવીપુજક રહે.લંગાળા ગામ તા.ઉમરાળા વાળાને રાજકોટ, ગ્રીનલેન્ડ ચોકડી ખાતેથી ઝડપી પાડી ગઢડા પોલીસ સ્ટેશન ખાતે લાવી કાયદેસરની કાર્યવાહી કરેલ છે.
