રાણપુર પોલીસ સ્ટેશનના સવજીભાઇ ખેર, અશોકભાઇ બાવળીયા, કાળુભાઇ મખાભાઇને સંયુક્ત ચોક્કસ બાતમી ને આધારે ગભરુભાઇ ભીખુભાઇ ધાધલ રહે.ચોરવીરા તા.સાયલા, આલકુભાઇ બાબભાઇ ખાચર રહે.નડાળા તા.સાયલા એક ઇકો ફોરવ્હીલ ગાડીમાં દેશી દારૂ ભરી બોટાદ જીલ્લાની હદમાં આપવા આવતા હોવાની બાતમીને આધારે રાણપુર તાલુકાના અલમપરથી કુંડલી જવાના રસ્તે વોચ ગોઠવતા બંને ઇસમો પોતાની ઇકો ગાડી લઇને આવતા જેને રોકવાનો પ્રયત્ન કરતા કુંડલી તરફ ગાડી લઈને ભાગેલ જેનો પીછો કરી ગાડી પકડી પાડતા બંને જણા ઇક્કો ગાડી મુકીને ભાગી ગયેલ ગાડીમાં તપાસ કરતા તેમાંથી આશરે ૨૫૦ લીટર દેશી દારૂ મળી આવ્યો હતો.૨૫૦ લીટર દેશી દારૂ જેની કીંમત ૫૦૦૦ તેમજ ઇકો ગાડી કીંમત ૧,૫૦,૦૦૦ કુલ મળી ૧.૫૫લાખનો મુદ્દામાલ કબ્જે કરી કાયદેસરની કાર્યવાહી હાથ ધરવામાં આવેલ છે.
