ભાવનગરની સર.ટી.હોસ્પીટલના રેસીડેન્ટ ડોકટરોએ સુત્રોચ્ચાર કરી પશ્ચિમ બંગાળમાં ડોકટરો પર હુમલાની ઘટનાને વખોડી કાઢી હતી. પશ્ચિમ બંગાળમાં ડોકટરો પર થયેલા હુમલાની ઘટનાના વિરોધમાં દેશભરનાં ડોકટરો હડતાલમાં જોડાતાં આરોગ્ય સેવા ખોરવાઇ ગઇ હતી. ભાવનગરની સર.ટી.હોસ્પીટલ ખાતે પણ રેસીડેન્ટ ડોકટરોએ સુત્રોચ્ચાર કરી વિરોધ પ્રદર્શન કર્યું હતું. દેશભરમાં ડોકટરો પર હુમલાની ઘટનામાં વધારો થઇ રહ્યો છે. ત્યારે સરકાર દ્વારા ડોકટરોના રક્ષણ માટે નક્કર પગલાં ભરવામાં આવે તેવી માંગણી કરવામાં આવી છે.
