ગાંધીનગર સેકટર ૨૮ જીઆઇડીસીમાં આવેલી બંધ ફેક્ટરીમાં ગત તા ૨૧મી જાન્યુઆરીનાં રોજ એલસીબી ટીમે દરોડો પાડીને રૂ. ૬.૫૦ લાખની કિંમતનો ૧૭૫૩ બોટલ દારૂ ઝડપી પાડ્યો હતો.
દારૂનાં કટીંગ વખતે એલસીબીએ પાડેલા આ દરોડામાં ૩ શખ્સો તથા વાહનો પણ પકડાયા હતા. જયારે સલીમ અનવર સિપાહી નામનો આરોપી ફરાર થઇ ગયો હતો. એલસીબીએ આ દિશામાં તપાસ શરૂ કરી હતી.દરમિયાન પીએસઆઇ શિંદેની ટીમનાં અ.પો.કો. ભૌમિકકુમારને આરોપી સલીમ અંગે બાતમી મળતા વોચ ગોઠવીને ઝડપી લીધો હતો અને આગળની કાર્યવાહી હાથ ધરી હતી.
