આજરોજ ડા.આંબેડકર હોલ, પાનવાડી, ભાવનગર ખાતે ૭મી આર્થિક ગણતરીની ક્ષેત્રીય કામગીરીનો જિલ્લા કક્ષાનો વર્કશોપ યોજાયો હતો. આ વર્કશોપમાં જે.સી.ઠાકોર, જિલ્લા આંકડા અધિકારી કે.એસ.પટેલ, સીનીયર સ્ટેસ્ટીકલ ઓફિસર એસ.કે.વસાણી, સંશોધન અધિકારી તથા વિરમદેવસિંહ ગોહિલ, સીએસસી ડિસ્ટ્રીક્ટ મેનેજર તેમજ સીએસસી ટીમ, અંદાજીત ૨૦૦ જેટલા સુપરવાઇઝર હાજર રહ્યા હતા. આ વર્કશોપમાં ૭મી આર્થિક ગણતરીની ક્ષેત્રીય કામગીરીની વિસ્તૃત અને વિગતવાર જાણકારી આપવામાં આવી હતી. ઉક્ત ક્ષેત્રીય કામગીરી આગામી દિવસોમાં સીએસસીના સુપરવાઇઝર, ગણતરીદારો દ્વારા સમગ્ર જિલ્લાના તમામ ગામ, શહેરોમાં કરવામાં આવશે. ઉક્ત સર્વે મોબાઇલ એપ્લીકેશન દ્વારા હાથ ધરાશે. ઉક્ત સર્વેમાં જિલ્લાના તમામ ઘરો, દુકાનો, ફેકટરીઓ, કોમ્પલેક્ષોને ડોર ટુ ડોર સર્વે કરવામાં આવશે.
