મોઢ ચાતુર્વેદી ચુથા સમવાય બ્રાહ્મણ જ્ઞાતિ સિહોર દ્વારા જ્ઞાતિનાં તેજસ્વી વિદ્યાર્થીઓને ઇનામો આપી સન્માનિત કરવાનો કાર્યક્રમ યોજાયો હતો. જ્ઞાતિનાં આગેવાન તારકભાઇ પાઠક તથા દાતા રાજુભાઇ પાઠક અને પંકજભાઇ પાઠકની ઉપસ્થિતિમાં યોજાયેલ ઇનામ વિતરણ સમારોહનાં પ્રારંભે દિપ પ્રાગટ્ય, શ્લોકગાન, સાંસ્કૃતિક કાર્યક્રમ યોજાયો હતો. આ પ્રસંગે જ્ઞાતિનાં ધો.૧ થી કોલેજ સુધીનાં ૬૦ તેજસ્વી વિદ્યાર્થીઓને કીટ વિતરણ કરી સન્માનિત કરવામાં આવ્યા હતા. આ ઉપરાંત દરેક પરિવારને પર્યાવરણ જાળવણીના ભાગરૂપે ૧-૧ વૃક્ષ વાવવાની નેમ સાથે રોપા વિતરણ કરવામાં આવ્યું હતું.
