ઉત્તરાખંડમાં પોતાની અને પોતાની પાર્ટી ભાજપમાંથી સસ્પેન્ડ ચાલી રહેલા ઉત્તરાખંડના સૌથી વિવાદાસ્પદ પ્રણવ સિંહ ચેમ્પિયન ફરી એક વખત ચર્ચામાં છે. આ વખતે કોઇની સાથે મારપીટ કરવાના મામલામાં નહીં પરંતુ દારૂના નશામાં એક બે નહીં પરંતુ ૪-૪ તમંચોની સાથે ડિસ્કો કરતાં દેખાઇ રહ્યાં છે.પોતાના પગનું ઓપરેશન કરાવીને પોતાના ઘરે પાછા ફરેલા પ્રણવ સિંહ ચેમ્પિયને પોતાના કેટલાંક સમર્થકોની સાથે આ દાવત કયારે રાખી હતી તે સ્પષ્ટ થયું નથી પરંતુ વીડિયો ૨ થી ૩ દિવસ જૂનું લાગી રહ્યું છે. તેમાં તેઓ માત્ર ઉત્તરાખંડની માટે જ અભદ્ર ભાષાનો ઉપયોગ કરી રહ્યા નથી પરંતુ હાથમાંથી રિવોલ્વર અને એક કાર્બાઇન લઇને ડાન્સ પણ કરી રહ્યાં છે.લાંબા લાંબા ઘૂંઘટ કાહે કો ડાલાપઆ ગીત વાગી રહ્યું હતું ત્યારે ધારાસભ્ય પ્રણવ સિંહ એક હાથમાં દારૂનો ગ્લાસ અને બીજા હાથમાં એક-બે નહિં પરંતુ ૪-૪ પિસ્તોલ લઇને ડાન્સ કરી રહ્યા છે. એ સમયે તેમની સાથે તેમના કેટલાંક સમર્થક પણ હાજર હતા.પ્રણવ હથિયારોની સાથે ડાન્સ કરે છે ત્યારે તેમના સમર્થક તેમના વખાણ કરતાં એમ પણ કહેતા સંભળાઇ રહ્યા છે કે આખા ઉત્તરાખંડમાં માત્ર તમે જ આમ કરી શકો છો. ત્યારબાદ ધારાસભ્ય પ્રણવ ખુદ કહે છે કે ઉત્તરાખંડ જ નહીં આખા દેશમાં કોઇ કરી શકે નહીં, જેવું તેઓ કરી રહ્યા છે. ત્યારબાદ જે રાજ્યમાંથી તેઓ ધારાસભ્ય છે, જે પ્રજાએ તેમને પસંદ કરીને મોકલ્યો છે, એ ઉત્તરાખંડ માટે તેઓ અભદ્રભાષા અને ગાળો બોલે છે.
જૂનમાં ભારતીય જનતા પાર્ટીના ઉત્તરાખંડના ખાનપુરથી ધારાસભ્ય પ્રણવ સિંહ ચેમ્પિયન પાર્ટીથી ત્રણ મહિના માટે સસ્પેન્ડ કરી દીધા હતા.
