જેસર તાલુકાના શેવડીવદર ગામેથી બે દિવસ પહેલા ગુમ થયેલ યુવકની લાશ આજે રહસ્યમય સંજોગોમાં પાલીતાણા તાલુકાના વિઝાનાનેસ ગામે સીમ વિસ્તારમાં આવેલ એક કુવામાંથી મળી આવતા ચક્ચાર મચી ગઈ છે.
જેસર તાલુકાના શેવડીવદર ગામે બે દિવસ પહેલા ગુમ થયેલ ૩પ વર્ષિય ભગુભાઈ હમલુભાઈ નામના યુવક બે દિવસ પહેલા ગુમ થયા હતા જે યુવકની લાશ આજે પાલીતાણા તાલુકાના વિઝાનાનેસ ગામે સીમમાં આવેલ કુવામાંથી મળી આવી હતી. વિઝાનાનેસ ગામે કોઈ વ્યક્તિની લાશ કુવામાં પડી હોય જે અંગે ગામ લોકો દ્વારા પોલીસને જાણ કરતા પોલીસ, મામલતદાર તેમજ ફાયરના જવાનોએ ઘટનાસ્થળ પર પહોંચી ગયા હતા અને ફાયરના જવાનો દ્વારા લાશને કુવામાંથી બહાર કાઢવામાં આવી હતી. લાશ અતિ કોહવાયેલી હાલતમાં હોય બહાર કાઢવામાં આવી હતી. લાશને ઓળખ કરતા આ લાશ બે દિવસ પહેલા જેસરના શેવડીવદર ગામના ગુમ થયેલ ભગુભાઈ ગોહિલની હોવાનું જાણવા મળ્યું હતું. આ લાશને પોલીસે પીએમ માટે મોકલી અને આગળની કાર્યવાહી હાથ ધરી હતી.
