શહેરના વાઘાવાડી રોડ પર આવેલ ભાવનગર પબ્લીક સ્કુલ ખાતે આજે આર્ટ ફેસ્ટનું આયોજન થયું હતું.
બાળકો અને વાલીઓ માટેના આ કલાત્મક કાર્ય શિબિરમાં વિદ્યાર્થીઓએ મોટીસંખ્યામાં ભાગ લીધો હતો. આજના ઝડપી યુગમાં વાલીઓએ બાળકો સાથે સમય વિતાવવો જોઈએ તેવા ભાવ સાથે આ કાર્યક્રમ યોજાયો હતો. કાર્યક્રમમાં સીમાબેન ભાટીયા, મેહુલભાઈ પટેલ, આરીફભાઈ કાલવા, સાદીકભાઈ અલાણા, રફીકભાઈ સહિત ઉપસ્થિત રહ્યાં હતા. શાળાના સ્ટાફ અને ટ્રસ્ટીઓએ આ કાર્યક્રમને સફળ બનાવવા ભારે જહેમત ઉઠાવી હતી. આ કાર્યક્રમમાં ૧૩૦થી વધુ બાળકો અને વાલીઓએ ભાગ લીધેલ.
