મહીસાગર જિલ્લાના સંતરામપુરમાં કેનપુર ગામની હાઇસ્કૂલમાં ધ્વજવંદનના કાર્યક્રમમાં બે વિદ્યાર્થીના મોત નિપજ્યા હતા. ધ્વજવંદનની પાઇપ વિદ્યાર્થી પાસે ઊભી કરાવતા સમયે પાઇપ ઉપર પસાર થતો વીજ વાયરને અડી જતા વિદ્યાર્થીઓ ઘટના સ્થળે જ મોતને ભેટ્યા હતા. શાળાની ગંભીર બેદરકારીના કારણે વિદ્યાર્થીઓના મોતને પગલે સમગ્ર પંથકમાં ચકચાર મચી ગઈ હતી. આ ઘટના બાદ બંને મૃત વિદ્યાર્થીઓના મૃતદેહને સંતરામપુર સરકારી હૉસ્પિટલમાં પોસ્ટમોર્ટમ માટે ખસેડવામાંં આવ્યા હતા જ્યાં તેમના પરિવાર દ્વારા શાળા પર આક્ષેપ કરાયો હતો.
