ઘોઘા માં પોલીસ સ્ટેશન થી મામલતદાર ઓફીસ અને ઘોઘા ઈંગ્લીશ સ્કુલ થી જિલ્લાવાળી પોળ સુધી બનાવવા માં આવેલ બંને આર.સી.સી રોડ માં ભ્રષ્ટાચાર થયો હોવાનો આરોપ ગ્રામજનો દ્વારા કરવામાં આવેલ છે.એક વર્ષ પહેલા બનાવવામાં આવેલ આર.સી.રોડ તુટી ગયો છે.
ઘોઘા ખાતે બનાવવા માં આવેલ બંને આર.સી.સી રોડ ૨૫ લાખ રૂપિયાના મંજુર કરવામાં આવ્યા હતા. જે રોડ બન્યાને એક વર્ષ જેટલો સમય હજી થવા આવ્યો છે.ત્યારે મોટા ગાબડા પડી ગયા છે અને આખા રોડ માંથી કપચી બહાર નીકળી ગઈ છે ને એમાં પણ વરસાદ પડતા જ આ રોડ સાવ ધોવાઈ ગયો છે ગ્રામજનોનો આક્ષેપ છે કે આ રોડ બનાવવામાં ભ્રષ્ટાચાર કરવામાં આવ્યો છે.ગ્રામજનો દ્વારા માંગ કરવામાં આવી છે કે બનાવેલ મટીરીયલને લેબોરેટરીમાં ચેક કરવામાટે મોકલવામાં આવે અને કોન્ટ્રાકટર દ્વારા કરવામાં આવેલ કામની ન્યાયીક તપાસ કરવામાં આવે.કોન્ટ્રાકટરે ટેન્ડરમાં બતાવ્યા મુજબનુ કામ કરેલ નથી તે જણાઇ આવે છે.
