સલમાન ખાન અને કેટરીના કૈફ કો-એક્ટર હોવાની સાથે કપલ પણ રહી ચૂક્યા છે. બંનેએ ‘મેને પ્યાર ક્યોં કિયા’માં પહેલીવાર સાથે કામ કર્યું હતું. ફિલ્મ ‘યુવરાજ’ દરમિયાન બંને રિલેશનશિપમાં હોવાના ન્યૂઝ પણ આવ્યા હતા. જો કે કેટરીના અને સલમાને પોતે ક્યારેય આ વાતને કબૂલી નથી. કેટલાક સમય બાદ જ કેટરીનાનું અફેર રણબીર કપૂર સાથે શરૂ થઈ ગયું.
જેનાથી સલમાન ખાન અને કેટરીના કૈફ વચ્ચે અંતર વધી ગયું. જ્યારે સલમાન અને કેટરીના પાંચ વર્ષ બાદ ફિલ્મ ‘ટાઈગર ઝિંદા હૈ’માં સાથે જોવા મળ્યા તો ફેન્સને હાશકારો થયો કે બંને વચ્ચે હજુ પણ કંઈક છે. સલમાન સાથેના રિલેશનશિપ વિશે આજસુધી મૌન સેવનારી કેટરીનાએ હવે મૌન તોડ્યું છે.
કેટરીનાએ કહ્યું કે, અમે એકબીજાને ૧૬ વર્ષથી ઓળખીએ છીએ અને અમારી વચ્ચે મિત્રતાથી વધારે કંઈ નથી. સલમાન વ્યક્તિ તરીકે ખૂબ સારો છે. તે હંમેશા મારી પડખે ઊભો રહ્યો જ્યારે-જ્યારે મને જરૂર પડી. સલમાન ભલે સતત કોન્ટેક્ટમં ન રહે પરંતુ જરૂર પડે એટલે તરત જ મિત્રની મદદ કરવા માટે દોડી જાય છે.
સલમાન ખાન હંમેશાથી કેટરીના કૈફનો ઉત્સાહ વધારતો આવ્યો છે તે વાત જગજાહેર છે. હાલમાં જ મુંબઈમાં આઈફા અવોર્ડ યોજાયો હતો, જ્યાં કેટરીના કૈફના ડાન્સ પર્ફોર્મન્સનો વારો આવ્યો તો સલમાન કેટરીના-કેટરીના બૂમો પાડવા લાગ્યો આટલું જ નહીં તેણે કેટરીનાના ડાન્સ માટે સીટી પણ વગાડી.
