ભાવનગર કાળાનાળા વિસ્તારમાં આવેલ કોમ્પલેક્ષમાં આગની ઘટના અંગેનું મોકડ્રીલ કરવામાં આવ્યું હતું. જેમાં પોલીસ અને ફાયરબ્રિગેડ ટીમે કામગીરી બજાવી હતી. ભાવનગરના કાળાનાળા વિસ્તારમાં આવેલ સીટી સેન્ટર કોમ્પલેક્ષમાં આગ લાગી હોવાની પોલીસ કંટ્્રોલરૂમ દ્વારા સંબંધિત પોલીસ મથક અને ફાયર બ્રિગેડ વિભાગને જાણ કરવામાં આવતા પોલીસ તથા ફાયરબ્રિગેડ કાફલો બનાવ સ્થળે દોડી ગયો હતો તેમજ ૧૦૮ એમ્બ્યુલન્સ પણ બનાવ સ્થળે પહોંચી હતી. ફાયર બ્રિગેડ તથા પોલીસ દ્વારા આગમાં ફસાયેલા લોકોને સલામત રીતે બહાર કાઢવામાં આવ્યા હતાં. અને હોસ્પિટલ ખસેડવામાં આવ્યા હતાં. કોમ્પલેક્ષમાં આગ લાગવાની ઘટનાનું મોકડ્રીલ યોજી પોલીસ તથા ફાયર બ્રિગેડ વિભાગની સતર્કના અંગેની ચકાસણી કરવામાં આવી હતી.
