શહેરના ગંગાજળીયા તળાવ પાસે આવેલ પાનની દુકાનનું છાપરૂ તોડી કોઈ અજાણ્યા તસ્કરો માલ-સામાનની ચોરી કરી નાસી છુટ્યા હતા.
પ્રાપ્ત વિગત મુજબ શહેરના ગંગાજળીયા તળાવ પાસે આવેલ સ્નેહા પાન નામની દિનેશભાઈ બચુભાઈ પાટલાની દુકાનનું છાપરૂ તોડી કોઈ અજાણ્યા તસ્કરો સીગારેટના પેકેટ, તમાકુના બાંધા સહિતનો આશરે ર૦ થી રપ હજારનો માલ-સામાનની ચોરી કરી નાસી છુટ્યા હતા. બનાવ અંગે દુકાન માલિક દિનેશભાઈએ ગંગાજળીયા પોલીસને જાણ કરતા પોલીસ સ્ટાફ દોડી જઈ ચોરી અંગેની તપાસ હાથ ધરી હતી. જો કે પોલીસ મથકમાં બનાવની કોઈ ફરિયાદ નોંધાવા પામી ન હતી.
