બોલિવુડમાં હાલમાં એક સાથે અનેક હોટ સ્ટારને સાથે લઇને ફિલ્મ બનાવવા માટેનો ક્રેઝ ચાલી રહ્યો છે. હવે એક ફિલ્મમાં હોટ સ્ટાર ઇશા ગુપ્તા અને ડેઝી શાહ એક સાથે નજરે પડનાર છે. મળેલી માહિતી મુજબ દો લફ્જો કી કહાની ફિલ્મ બાદ ફિલ્મ નિર્માતા દિપક તિજોરી નવી ફિલ્મ બનાવવા જઇ રહ્યા છે. આ ફિલ્મ ટિપ્સી નામથી બનાવવામાં આવી રહી છે. જેમાં ઇશા ગુપ્તા અને ડેઝી શાહ નામની બે હોટ સ્ટાર નજરે પડનાર છે. રાજુ ચડ્ડા અને રાહુલ મિત્રા ફિલ્મનુ નિર્માણ કરી રહ્યા છે. પહેલા ઇશા ગુપ્તાની જગ્યાએ અભિનેત્રી લક્ષ્મી રાયને લેવામાં આવી હતી. સાથે સાથે ડેઝી શાહની જગ્યાએ શમા સિકંદરને લેવામાં આવી હતી. જો કે હવે ઇશા ગુપ્તા અને ડેઝી શાહને લેવામાં આવી છે.ફિલ્મનુ શુટિંગ હવે ટુંક સમયમાં જ શરૂ કરવામાં આવનાર છે. પ્રાપ્ત અહેવાલ મુજબ ફિલ્મનુ શુટિંગ ૩૦મી ઓક્ટોબરના દિવસથી કરવામાં આવનાર છે. ફિલ્મના શુટિંગને તૈયારી પૂર્ણ કરી લેવામાં આવી છે. ફિલ્મનુ શુટિંગ હવે ઇંગ્લેન્ડમાં કરવામાં આવનાર છે. બે હોટ સ્ટારને એક સાથે લેવામાં આવ્યા બાદ ચાહકોમાં ઉત્સુકતા વધી ગઇ છે. ફિલ્મની પટકથાને લઇને હજુ સુધી કોઇ માહિત સપાટી પર આવી નથી. જો કે ટુંક સમયમાં જ આ સંબંધમાં વિગત જાહેર કરવામાં આવી શકે છે. ઇશા ગુપ્તા ફિલ્મને લઇને લઇને આશાવાદી છે.
ડેઝી શાહ અને ઇશા ગુપ્તા બંને પાસે કોઇ મોટી ફિલ્મ હાલમાં હાથમાં નથી. ડેઝી શાહ છેલ્લે સલમાન ખાનની સાથે રેસ ફિલ્મની સિરિઝમાં નજરે પડી હતી. જો કે ત્યારબાદ તેની પાસે હાલમાં કોઇ મોટી ફિલ્મ નથી. આવી જ રીતે ઇશા ગુપ્તા બોલિવુડમાં ટકી રહેવા માટે તમામ પ્રયાસો કરી રહી હોવા છતાં તેને સફળતા મળી રહી નથી.
