ઘોઘા પોલીસ મથકમાં તથા વલસાડના પારડી પોલીસ મથકમાં નોંધાયેલ પ્રોહીબીશનના ગુન્હામાં ફરાર ફુલસર ખાતે રહેતા શખ્સને એસઓજી ટીમે ઝડપી લઈ ધોરણસરની કાર્યવાહી કરી છે. એસ.ઓ.જી.ના ઇન્ચાર્જ પોલીસ ઇન્સ. એચ.એ.જાડેજાની સુચનાથી ભાવનગર એસ.ઓ.જી. પોલીસના પોલીસ કોન્સ. રાજદીપસિંહ ગોહિલ તથા અતુલભાઇ ચુડાસમાની સંયુક્ત બાતમી આધારે વલસાડ જીલ્લાના પારડી પોલીસ સ્ટેશન પ્રોહી. કલમ ૬૫ઇ, ૮૧, ૮૩, ૯૮ (૨) મુજબના ગુન્હાના કામે નાસતો ફરતો આરોપી મુકેશ પ્રાગજીભાઇ ચૌહાણ રહે. ફુલસર મફતનગર ખારામાં ભાવનગરવાળાને ફુલસર કર્મચારીનગર મધુવન સોસાયટી જવાના રસ્તે નાળા (કોઝ વે) પાસે ઝડપી જરૂરી કાર્યવાહી કરી વરતેજ પોલીસ સ્ટેશનમાં સોંપી દીધેલ. આરોપી મુકેશ ભાઇ પ્રાગજીભાઇની પુછપરછમાં જાણવા મળેલ છે કે, થોડા સમય પહેલા ઘોઘા પોલીસે ખાટડી ગામેથી મસ મોટો ઇંગ્લેશ દારૂનો જથ્થો ઝડપી પાડેલ હતો તે ગુન્હામાં પણ આરોપીની સંડોવણી ખુલવા પામેલ હતી અને તે કેસમાં મજકુરે નામદાર ગુજરાત હાઇકોર્ટમાંથી આગોતરા જામીન મેળવેલ છે જે કેસમાં પણ મજકુરને હાજર થવાનું બાકી છે.
