નાગરિકોની સ્વાસ્થ્ય સુરક્ષા વધે અને પૂરક રોજગારી મળી રહે તે હેતુથી ગુજરાત ઔષધીય
વનસ્પતિ બોર્ડ, ગાંધીનગર દ્વારા તા.૯મી ડિસેમ્બર ૨૦૧૯ના રોજ સરકારી ઔષધિય વનસ્પતિ ઉદ્યાન,
ગાંધીનગર ખાતે આમળાની જુદી જુદી બનાવટો બનાવવા અંગેની એક દિવસીય મુલ્યવર્ધન કાર્યશાળા
યોજાઇ હતી.આ કાર્યશાળામાં ગુજરાત ઔષધીય વનસ્પતિ બોર્ડના મુખ્ય કારોબારી અધિકારી શ્રી ડૉ.જગદીશ
પ્રસાદે આમળાના વિશિષ્ટ ગુણોની વિસ્તૃત માહિતી આપી હતી.
આ કાર્યશાળામાં ‘આમળા’ની વિવિધ બનાવટો જેવી કે આમળાનો રસ, શરબત, મુરબ્બો, જામ,
બરફી, ચટણી, ગળ્યું તેમજ ખાટુ અથાણું વગેરે પ્રત્યક્ષ બનાવીને sનિદર્શન કરવામાં આવ્યું હતું. આ
આમળાની જુદી-જુદી બનાવટો ચાખીને કાર્યશાળામાં આવેલ તમામ લાભાર્થીઓએ બિરદાવી હતી.
અત્રે ઉલ્લેખનીય છે કે, ગુજરાત ઔષધીય વનસ્પતિ બોર્ડ, ગાંધીનગર તરફથી વર્ષ ૨૦૧૪-૧૫
દરમિયાન ૧૭ બિન સરકારી સ્વેચ્છિક સંસ્થાઓને આમળાના રસ કાઢવાનુ મશીન તેમજ નાણાકીય સહાય
કરવામાં આવી હતી. આ તાલીમનો મુખ્ય ઉદ્દેશ તેઓના અનુભવોના આદાન-પ્રદાન કરી ભવિષ્યની
કાર્યયોજના તૈયાર કરવાનો હતો, જેથી સ્થાનિક લોકોની સ્વાસ્થય સુરક્ષા સાથે પૂરક રોજગારી મેળવવા માટે
મહિલા સ્વસહાયજૂથોને પગભર બનાવી શકાય તેમ, ગુજરાત ઔષધીય વનસ્પતિ બોર્ડની યાદીમાં જણાવાયું
હતું.
