સ્ટાફ ટ્રેનીંગ કોલેજમાં આજે મહિલા સમાનતા માટે શિક્ષણ દ્વારા સ્ત્રી શસક્તિકરણના ઉપક્રમે માહિતી કેન્દ્ર કમ કાઉન્સીલીંગ સેન્ટર સંચાલિકા બહેનોનો વર્કશોપ યોજાયો હતો. આ પ્રસંગે મુખ્યમંત્રીના ધર્મપત્નિ અંજલીબહેન ખાસ ઉપસ્થિત રહી માર્ગદૃશન આપ્યું હતું. સાથે મહિલા આયોગના ચેરમેન લીલાબેન અંકોલીયા સહિત મોટી સંખ્યામાં મહિલાઓએ હાજર રહી કાર્યક્રમમાં ભાગ લીધો હતો.
આ ઉપરાંત આ પ્રસંગે ડાયરેકટર અરૂણાબેન ચૌધરી તેમજ મહિલા અને બાળ આયોજના રાજુલબેન દેસાઈ તથા સંસ્થા ડાયરેકટર અપેક્ષાબેન ભટ્ટ પણ ઉપસ્થિત રહ્યા હતા.
