ભાવનગર પશ્ચિમના ધારાસભ્ય અને ગુજરાત પ્રદેશ ભારતીય જનતા પાર્ટીના અધ્યક્ષ જીતુભાઇ વાઘાણી દ્વારા તા. ૦૭-૦૮ અને૦૯ જાન્યુઆરીના રોજ તેમના મત વિસ્તારમાં આવતી નગર પ્રાથમિક શિક્ષણ સમિતિના બાળકો તેમજ ઈન્દિરાનગર, નારી, વરતેજમાં આવેલ સરકારી શાળાના બાળકોને તથા બાલાશ્રમ, તાપીબાઇ, અંકુર અંધ ઉધોગ શાળાના બાળકો તથા એચ.આઇ.વી. થી પિડિત બાળકોને કુલ ૧ લાખ પાંચ હજારથી વધારે પતંગોનું વિતરણ કરવામાં આવશે.
તથા પ્રત્યેક બાળકોને બિસ્કીટનું વિતરણ કરાશે અને સાથે સાથે જે પણ સ્થળ પર પતંગ વિતરણ થશે તે પ્રત્યેક જગ્યાએ પ્રભુ સ્વરૂપ બાળકોને નાસ્તો કરવવામાં આવશે. જીતુભાઇના અતિ પ્રિય આ કાર્યક્રમમાં પતંગ વિતરણ કરવા માટે સંતો-મહંતો, ભારતીય જનતા પાર્ટી ભાવનગરના અધ્યક્ષ સનતભાઇ મોદી, સંગઠનનાં મહામંત્રી મહેશભાઇ રાવલ, રાજુભાઇ બાંભણીયા, વનરાજસિંહ ગોહિલ, સંગઠનના વિવિધ હોદેદારો મેયર મનહરભાઇ મોરી, મહાનગરપાલિકાના વિવિધ પદાધિકારીઓ, તેમજ શિક્ષણ સમિતિના ચેરમેન નિલેશભાઇ રાવલ તેમજ નગર સેવકો, શિક્ષણ સમિતિના સભ્યો, વિવિધ સેલ મોરચાના પ્રમુખ મહામંત્રીઓ, ઉધોગપતિઓ, વિવિધ સંસ્થાના આગેવાનો, હિરા ઉધોગના અગ્રણીઓ તથા ભારતીય જનતા પાર્ટીના વોર્ડ પ્રમુખ મહામંત્રી અને કાર્યકર્તાઓ ઉપસ્થિત રહ્યા હતા.
