ભાવનગર શહેરના જવાહર મેદાન ખાતે યોજાનાર વિશ્વ મહિલા દિનની રાજ્યકક્ષાની ઉજવણીમાં રાજ્યના મુખ્યમંત્રી વિજયભાઈ રૂપાણી ઉપસ્થિત રહેનાર છે ત્યારે સમગ્ર કાર્યક્રમ દીપી ઊઠે તે માટે સમગ્ર જિલ્લા વહીવટી તંત્ર દ્વારા યુદ્ધના ધોરણે કામગીરી હાથ ધરવામાં આવી છે. જિલ્લા કલેક્ટર સહિતના અધિકારીઓ દ્વારા રાઉન્ડ ધ ક્લોક કાર્યક્રમના સ્થળની મુલાકાત લઇ સમગ્ર તૈયારીઓની સમીક્ષા કરવામાં આવી રહી છે તેમજ તૈયારીઓને આખરી ઓપ અપાઈ રહ્યો છે.
