ઘોઘા તાલુકાના ગામડાઓમાં આવેલ જમીનનો કબ્જો હાલ ખેડુતો પાસે હોય જે રાજય સરકાર દ્વારા હસ્ગત કરવા માટે ૧ એપ્રિલના રોજ પોલીસ બંદોબસ્ત સાથે જમીન સંપાદનની કામગીરી હાથ ધરવામાં આવનાર હોય હાલ આ કામગીરી સ્થગિત રાખવાની માંગ સાથે ભાવનગર જિલ્લા કલેકટર ઉપરાંત મંત્રી ભુપેન્દ્રસિંહ ચુડાસમા સહિતનાઓને આવેદનપત્ર પાઠવવામાં આવ્યું હતું. આ આવેદન કોંગ્રેસના ધારાસભ્ય પ્રવિણભાઈ મારૂ, ધારાસભ્ય કનુભાઈ બારૈયા જિ.પં. પ્રમુખ સંજયસિંહ સરવૈયા, ઘોઘા તાં. કોંગ્રેસ પ્રમુખ રૈવતસિંહ ગોહિલ ઘોઘા તા.પં. ઉપપ્રમુખ સંજયસિંહ ગોહિલ (માલપર) સહિતના હોદ્દેદારો દ્વારા આપવામાં આવ્યું છે.
