મુખ્ય જિલ્લા આરોગ્ય અધિકારી ડો.એ.કે.તાવિયાડની સુચનાથી તાલુકા હેલ્થ ઓફિસર ડો.જયેશભાઈ વાંકાણીના માર્ગદર્શન હેઠળ પ્રાથમિક આરોગ્ય કેન્દ્ર ટાણાના મેડિકલ ઓફિસર ડો.મનસ્વીનીબેન માલવીયા દ્વારા આ કોરોના કહેરમા સગર્ભામાતાની વિશેષ કાળજી રખાઈ અને તેમની તપાસણી, લોહીની તપાસ, હિમોગ્લોબીન તેમજ હાઈ બી.પી. વગેરે અંગે તપાસણી કરીને વિશેષ અભીયાન દ્વારા માતામરણ બચાવવા પ્રયાસરૂપે કેમ્પ તા.૧૬/૦૭/૨૦૨૦ના રોજ પ્રાથમિક આરોગ્ય કેન્દ્ર ટાણા ખાતે રાખવામા આવેલ. જેમા સગર્ભાને ૫ મહિનાથી વધુ મહિના વાળી બહેનોની ખાસ તપાસણી થયેલ. જેમા ૮ માતાઓ જોખમી સગર્ભા હતી. જેના પર વિશેષ ધ્યાન, સલાહ-સુચન રાખવામા આવ્યુ. હાલ ૭૩ સગર્ભા માતાની તપાસણી કરાઈ. આ કેમ્પમા ટાણા, કાજાવદર, બુઢણા, દેવગાણાની સગર્ભા માતાએ કેમ્પનો લાભ લીધેલ. આ કાર્યક્રમમા માસ્ક અને સોશ્યલ ડીસ્ટન્સનુ ધ્યાન રાખવામા આવેલ. સવારે ૭ વાગ્યાથી બપોરના ૧ વાગ્યા સુધી આ કેમ્પ યોજાયો હતો. આ કેમ્પને સફળ બનાવવા મેડિકલ ઓફિસર ડો.મનસ્વીનીબેન માલવીયા, ફિમેલ હેલ્થ વર્કર દિનાબેન પારધી, રંજનબેન બારૈયા, આર.બી.એસ.કે. ડો.મનાલીબેન બાલધીયા, શ્રધ્ધાબેન મોરી, પટ્ટાવાળા ઈન્દુબેન, પ્રજ્ઞાબેન તેમજ પ્રાથમિક આરોગ્ય કેન્દ્રની તમામ આશા-આશાફેસીનો સહયોગ મળેલ. જેમાં ફિમેલ હેલ્થ વર્કર શિલ્પાબેન જોષી તથા ફિમેલ હેલ્થ સુપરવાઈઝર કે.કે.પંડ્યાનુ સંકલન રહ્યુ હતુ.
