સદભાવના રૂરલ ટ્રસ્ટ અમદાવાદ અને રાષ્ટ્રીય અંધજન મંડળ ભાવનગર જિલ્લા શાખાના સંયુક્ત ઉપક્રમે ભાવનગર શહેર અને ગ્રામ્ય વિસ્તારના ૧૨૫ થી વધુ નેત્રહીન પરિવારને કોવિડ-૧૯ કોરોના વાઈરસના કારણે ધંધારોજગાર બંધ હોવાથી આગામી જુલાઈ માસ સુધીમાં કોવિડ-૧૯ કોરોના વાઈરસની ગાઈડલાઈન્સ મુજબ ક્રમશઃ અનાજકીટનું વિતરણ કરવામાં આવશે. સંસ્થાના જનરલ સેક્રેટરી લાભુભાઈ સોનાણીએ આ પ્રસંગે જણાવ્યું હતું કે પ્રશાંથી અસ્વાની લક્ષ્મણભાઈ કાઠીયા તરફથી ૨૧ પરિવારને કીટનું વિતરણ કરવામાં આવ્યું છે. ટૂંક સમયમાં ૧૦૦ થી વધુ અન્ય નેત્રહીન પરિવારને અનાજકીટનું વિતરણ કોવિડ-૧૯ કોરોના વાઈરસની ગાઈડલાઈન્સ મુજબ તબ્બક્કાવાર કરવામાં આવશે. આ પ્રંસગે સંસ્થાના કાર્યકર મહેશભાઈ પાઠક, પંકજભાઈ ત્રિવેદી, હસમુખભાઈ ધોરડા, કનુભાઈ પટેલ સહીતના મહાનુભાવો ખાસ ઉપસ્થિત રહ્યા હતા.
