કૃષ્ણગર સંસ્કાર મંડળ સ્થિત બી. એન. વિરાણી રમત સંકુલ પર રમાયેલી ટેબલ ટેનિસ સ્પર્ધામાં ૪૭ સ્પર્ધકો વચ્ચે અત્યંત રસાકસીભરી રમત બાદ સંસ્કાર મંડળના આશાસ્સ્પદ ખેલાડી યુગ અંધારીયાએ સબજુનિયર બોયઝ ફાઇનલમાં હિતાર્થ જોષીને હરાવી ચેમ્પિયન થવા ઉપરાંત જુનિયર બોયઝ ની સ્પર્ધામાં જ્હોન વરતેજીને હરાવી બેવડી સિદ્ધિ પ્રાપ્ત કરી હતી. જ્યારે વિદિશા પટેલને હરાવી સબ જુનિયર ગર્લ્સની સ્પર્ધમાં વિજેતા બનેલી રૂદ્રિ શુક્લએ સુંદર રમત દાખવી જુનિયર ગર્લ્સમાં પણ ગૌરવપૂર્ણ દ્વિતીય સ્થાન પ્રાપ્ત કરેલ. ચાર્મી જાની સબ જુનિયર ગર્લ્સ સ્પર્ધામાં ચેમ્પિયન બની હતી. કેડેટ બોયઝ અને ગર્લ્સની સ્પર્ધામાં અનુક્રમે વંદન સુતરિયા તથા ધ્રુવીકા રાઠોડ પ્રથમ વિજેતા બન્યા હતા જ્યારે દર્શ શનિશ્ચરા તથા ઉર્જા કાથરોટિયાએ દ્વિતીય સ્થાન પ્રાપ્ત કર્યું હતું.ફાઇનલ મેચ બાદ વિજેતાઓને ઇનામો શ્રી ઓધવજીભાઈ સરવૈયાને હસ્તે અપાયા હતા. સંસ્કાર મંડળના સ્પોટ્ર્સ સેક્રેટરી અને ચીફ કોચ શ્રી ક્ષિતીશ પુરોહિત, કોચશ્રીઓ સર્વશ્રી દિપક સરવૈયા, શિવાંગ અંધારિયા તેમજ પ્રાર્થના પરમારે ખેલાડીઓને અભિનંદન આપ્યા હતા.
